Қабул ба муассисаи таҳсилоти олӣ қадами муҳим дар роҳи интихоби касби оянда ва бунёди фаъолияти муваффақ мебошад. Донишкадаи политехникии Донишгоҳи техникии Тоҷикистон ба номи академик М. Осимӣ дар шаҳри Хуҷанд барои довталабон маълумоти муфассал оид ба ҳуҷҷатҳои зарурӣ ва тартиби пешниҳоди онҳоро омода намудааст.

Дар ин саҳифа шумо метавонед бо рӯйхати ҳуҷҷатҳои ҳатмӣ, муҳлатҳои қабули аризаҳо ва тавсияҳо оид ба дуруст тартиб додани онҳо шинос шавед. Комиссияи қабул шаффофият ва дастрасии ҳамаи равандҳоро таъмин намуда, ба ҳар як довталаб имкон медиҳад, ки марҳилаҳои бақайдгириро бо боварӣ гузашта, диққати худро ба омодагӣ ба имтиҳонҳои дохилшавӣ равона намояд.

Ҳуҷҷатҳои зарурӣ:

1.     Ариза-анкета ба номи директори донишкада.

2.     Шиносномаи шаҳрванди Ҷумҳурии Тоҷикистон ё ҳуҷҷати дигаре, ки шахсиятро тасдиқ менамояд.

3.     Асли аттестат дар бораи таҳсилоти миёнаи умумӣ ё дипломи муассисаи таҳсилоти миёнаи касбӣ.

4.     6 дона сурат бо андозаи 3 × 4 см.

5.     Маълумотномаи тиббии намунаи муқарраршуда (шакли 086-У).

6.     Билети ҳарбӣ ё шаҳодатномаи қайд (барои писарон).

Квитансия оид ба пардохти ҳаққи бақайдгирӣ (дар ҳолати мавҷуд будан).